Diablo de Navarrak korrika bera ixilarazi nahi izan zuenekoa

Atzoko egunez Nafarroa eta Euskal Herri osotik etorritako milaka eta milaka lagunek hasiera eman zioten euskararen aldeko ekimen kolosalari Garesen. Nafarroako erdialdeko herritik abiatu da aurtengoan Korrika, egun historikoa bada Izarbeibarren. Alta, Korrikak ez du pisu informatiborik Cordovillako erredakzioen editoreen arabera. Zaila da gaurko edizioan maila sozialean atzo Nafarroan bizi zen albiste garrantzitsuenari buruzko erreferentziak topatzea. Azalean deus ez eta barrenean txikian eta kriminalizatzen duen testuinguruan. Desinformazioa bere maila gorenean. +

Euskara Iruñeko hizkuntz paisaian txertatzea gaitzesten du Diablo de Navarrak

Iruñeko Udalak ekimen ezberdinak bultzatu ditu euskara normalizatzearen bidean azken legealdian. UPNk urte luzez bultzaturiko udalgintzan euskarak ez zuen inolako tokirik proiekzio publikoetan eta maila batean bederen hori aldatzera etorri da azken urteotako lana. Agerikoa da Diablo de Navarrak nafarron hizkuntzarekiko duen jarrera ezkorra. Hau argi geratu da pasadan martxoaren 20an azalean zekarren titular nagusiarekin, non proiektu ezberdinak izendatzeko euskara erabiltzea “Euskaldunizar” aditz diabolikoaz definitu zuen Cordovillako egunkari antieuskaldunak. +